Historia de Serbia

La historia de Serbia puede considerase qu'empieza col primer estáu serbiu, Rascia, que foi fundáu nel sieglu IX pola Casa de Vlastimirovic; desenvolvióse dientro del reinu y l'Imperiu serbiu so la Casa de Nemanjić. Na dómina moderna, Serbia foi un principáu autónomu (1817-1878), un principáu y reinu independiente (1878-1918), parte del Reinu de los Serbios, Croates y Eslovenos (1918-1941) (renombráu a Reinu de Yugoslavia en 1929), un estáu títere ocupáu polos nazis (1941-1944), una república socialista na República Federal Socialista de Yugoslavia (1945-1992), una república na República Federal de Yugoslavia (1992-2003), y una república na Unión d'Estáu de Serbia y Montenegru (2003-2006) primero que proclamara la so independencia como la República de Serbia el 5 de xunu de 2006.